Vieux françois et langue romane

os parlons premièrement a tous ceaus qui mesprisent segre lor propres volontés e desirent o pur coraige servir de chavalerie au soverain roy et o estudiose cure desirent aemplir et aemplissent parmaignant la très noble armeure de obedience. Et donques nos vos amonestons, vos qui avés menée seculiere chevalerie jusques ci, en laquelle Jhesus Crist nen fu mie cause, mais solement por l'umaine favour vos l'embrassastes, que vos segués ceaus les qués Dieu a eslis da la masse de perdession et a ordenés per sa agreable pitié a la defension de sint yglise, que vos vos hastés de ajoster a eaus perpetuelment.

Extrait du prologue de la règle primitive

Quant aucun frere trespasse de vie a mort, laquele n'est pardonnée a nuili, nos commandons ou pur coraige chanter la messe pour l'arme de lui, e faire le servise Dieu par les prestres qui servent o soveran prestre et a vos a termine a la charité et a tous les freres qui sont present la ou li cors est sont a termine en charité, jusques a VII jors, a dire C pater nostres. E trestous les freres dou commandament de cele maison ou le frere trespasse doient dire les C pater nostres, si come dessus est ditpuis qu'ils sauront la mort dou frere, por la pitié de Dieu. Encores prions nos et commandons par l'autorité pastoral, que un povre soit repeu de tel viande ou de tel vin jusques à XL lorz por le frere mort, si comme seraoit le frere vif. Toutes les autres offertes, les queles estoient faites sans discrecion en la mort des freres et en la solempnité de pasques et en les autres solempnités que les povres chevaliers du Temple avoient acostum par lor propre volenté, en toutes manières deffendons.

Règle primitive article 11